Central Committee
Golaha Dhexe waa hay’adda ugu sarreysa xisbiga inta u dhexeysa labada Shirweyne
QAAB DHISMEEDKA GOLAHA DHEXE
Golaha dhexe waxa uu ka koobanyahay 225 xubnood oo ay ku jiraan:
- Gudoomiyaha xisbiga
- Qof kasta oo noqda guddoomiyaha Xisbiga marka uu xilka banneeyo, wuxuu ka mid noqonayaa Golaha Dhexe inta uu nool yahay haddii aan xil-ka-qaadis lagu samayn iyadoo aanay muddadii xil-haystiisu dhammaan.
- Golaha Dhexe afar meelood saddex (3/4) waxaa laga soo dooranayaa Shirwaynaha, afar meelood meelna (1/4) waxa lagu dooranayaa fadhiga ugu horeeya ee Golaha Dhexe.
- Haddii xubin Golaha Dhexe ka mid ah ay bannayso jago waxaa loo buuxinayaa sida soo socota:
- Xubnaha Golaha dhexe ee laga soo doortay Shirwaynaha xisbiga waxaa buuxinaya xubintii ugu codadka badnayd liiska sugayaasha doorashadii u danbaysay ee Golaha Dhexe.
- Haddii laba xubnood iyo inka badan ay sinnaayeen xagga codadka, waxaa lagu kala saarayaa qori tuur.
- Haddi xubin Golaha Dhexe soo doortay ay bannayso jagadeedii waxaa dib usoo dooranaya Golaha Dhexe.
- Haddii xubnaha Golaha Dhexe kala-bar iyo wax ka badan ay hal mar banneeyaan kuraastooda, waxaa la qabanayaa Shirweyne aan caadi ahayn si loo soo buuxiyo kuraasta bannaanaatay.